lunes, 27 de junio de 2022

PROGRAMA EDUSAÚDE

 

ACTIVIDADES EDUSAÚDE


No CEIP Montemogos tomamos moi enserio o coidado da saúde do noso alumnado e por iso participamos no programa EDUsaúde centrándonos en dúas liñas de acción:

  • A promoción e práctica de actividade física.

  • A incorporación de hábitos alimentación máis saudables.

A continuación realízase un resumo das principais actividades levadas a cabo:


1. PATIOS MÁIS ACTIVOS.

En primeiro lugar, a través das cestas de material por aulas e posteriormente, cunha repartición máis inclusiva das pistas polideportivas onde houbo espazo para máis variedade de xogos (diferentes deportes colectivos e xogos tradicionais).


Tamén puxemos a disposición un altofalante portable para que os alumnos e alumnas de primaria fixeran uso do mesmo, creando así un recuncho para o baile.




2. AMPLIAMOS O ROCÓDROMO.

Creamos un recuncho de escalada que se atopa no patio de primaria pero que frecuentemente tamén gozou do mesmo o alumnado de infantil xogando coas súas mestras.



3. CHARLAS, ACTIVIDADES E OBRADOIROS DE ALIMENTACIÓN.

Contamos cunha profesional da zona que impartiu charlas e obradoiros en 5º e 6º de Educación Primaria.



Tamén se realizaron actividades moi interesantes dende as titorías como a lectura de etiquetas de certos alimentos, que por exemplo, utilizan nas súas merendas ou experiencias científicas para detectar a presenza de almidón en certos alimentos (mortadela, xamón cocido, preparados lácteos, etc.).



4. PROMOCIÓN E COÑECEMENTO DE ACTIVIDADES DEPORTIVAS E XOGOS DIVERSOS DENDE A ÁREA DE EDUCACIÓN FÍSICA.


Este aspecto é fundamental para que o alumnado adquira o gusto pola práctica de actividade física e poidan elixir practicala no seu tempo de lecer, tanto en horario escolar (no patio) coma fora do centro en entidades, clubes, escolas deportivas, etc.

Tendo isto en conta, practicamos tanto os deportes máis tradicionais e xa coñecidos por eles (balonman, voleivol, bádminton, baloncesto, futbol, etc.) como outro tipo de deportes colectivos máis novedosos e inclusivos (Datchball, Hockey, Ultimate, colpbol...).





5. COLABORACIÓN CON ENTIDADES DA ZONA E COÑECEMENTO DE CERTAS MODALIDADES DEPORTIVAS CON TÉCNICOS A TRAVÉS DO PROGRAMA XOGADE.

As actividades nas que participamos foron a de voleivol con 5º de EP, na que ademais participamos nun torneo intercentros, e Badminton con 4º EP.




6. EXCURSIÓNS ACTIVAS E EDUCACIÓN FÍSICA NA CONTORNA.

Finalmente, ademais das excursións específicas nos últimos meses de curso para practicar xogos e actividades físico-deportivas, tamén se realizaron durante o curso varios roteiros e andainas a puntos de interese da localidade, promovendo esta actividade tan saudable e sostible.



























viernes, 25 de marzo de 2022

ENCONTRO SOBRE ALIMENTACIÓN SAUDABLE

Esta semana co alumnado de 5º e 6º de Educación Primaria tivemos a oportunidade de coñecer un pouco máis sobre alimentación e hábitos saudables grazas á visita de Antía Pazos, unha gran profesional neste campo que ademais é da zona de Bueu.

Foi un encontro moi interesante no que ademais de aprender moito máis sobre alimentación e sobre como comer mellor, tamén enfocamos o tema cara á prevención de futuras malas relacións coa comida, así como dos perigos da publicidade nas redes sociais neste ámbito. 

No noso cole estamos moi concienciados da importancia de mellorar e preservar a saúde do alumnado; por iso participamos no programa EDU SAÚDE, desde o cal levamos a cabo diversas accións (dentro das cales se enmarca este encontro) encamiñadas a mellorar o estado físico e psicosocial dos nosos nenos e nenas. 





Finalmente, se nos interesa aprender un pouquiño máis sobre alimentación, aquí tedes a ligazón á páxina de Antía:
Moitas grazas Antía pola túa contribución e ate a próxima!



 

domingo, 20 de junio de 2021

Saídas á contorna de 4º e 6º de Educación Primaria

 

Durante as xornadas do 9 e 16 de xuño volvemos aproveitar para saír á contorna, esta vez cos cursos de 4º e 6º de Educación Primaria. Fomos moi afortunados xa que ámbolos dous días gozamos dunhas condicións meteorolóxicas inigualabels para ter unha mañá de convivencia e diversión na praia.

Con 4º, practicamos distintos xogos e actividades colectivas. Despois aproveitamos para merendar, ter un tempo de xogo libre. Tamén realizamos actividades de observación da fauna e da flora mariña nas rochas. Finalmente, dado que o tempo se prestaba, puidemos refrescarnos un pouco mollando os pés na auga do mar. Pasámolo en grande.












Pola súa parte, con 6º tivemos unha xornada inesquecible. Prácticamos moitos dos seus deportes colectivos favoritos e prevaleceron valores como o espírito de equipo, o compañerismo, a competitividade sana e sobre todo a diversión. Tamén houbo tempo para descansar, refrescarse na auga e incluso tomar un xelado antes da volta o cole. Nunca esqueceremos o ben que o pasamos.



















  



 

miércoles, 16 de junio de 2021

Saídas á contorna de 4º e 6º de Educación Infantil e 2º de Educación Primaria

Durante as xornadas do  7 e 8 de xuño, volvemos saír á contorna para realizar actividade Física e xogos  no medio natural con motivo da participación no contrato programa "Promoción da actividade Física en horario lectivo". Pasámolo en grande! 

Con 4º de E.I. fomos camiñanado á antiga escola de Curraces; onde os cativos gozaron do xogo rodeados de natureza como podemos comprobar nas seguintes fotos.  













Con 6º de E. Infantil e 2º de E. pasamos a mañá na Praia de Area de Bon; onde realizamos xogos de equipo, xogos de pilla e de corro, observamos a fauna e a flora mariña nas rochas, coñecemos a "Conchosa" e ata practicamos un pouco de arte efímero na area.
Foi xenial.